É Mi Quê Mi...

É mi quê banbaram
detadu na cama sem cancaram
na cotchon de capa banana
noti noti tá sunha cu bô minina

Abô Elsa, minina branca
corpo geitozinha si má boneca
dargadinha si má bara marmelu
n'crê margudja na onda di bu cabelu
na riscu n'bá pá fundo
e sem medo morré fogadu

Elsa, ondjabu na sala badju
bu fazem si mé spantadju
sim trabu bargadju
bu tá conchê peso madju

Cá bu negam pedidu mimoza
é mi quê própi Barbosa
dam um bejo cu amor
pa um coracon sofredor
qui mesté tcheu valor
Djuntadu cu más calor

Pedro B. Amado